اسؤ تعامل في الاونلاين لاي مهنه

ممكن محدش يتعامل مع ميدلى تجربة سيئة لابعد حد. جبت البلوزة و الجيبة دول ف اخر شهر ٣ و لبستهم مرتين وجيت اغسلهم لقيتهم كشوا بالمنظر ده رجلى كلها باينة و مش عليهم اى تيكيت للغسيل. غسلتهم على ٣٠ زى كل اللبس الخروج. كلمتهم و ردهم مستفز جدااا و مفيش جودة ولا اى حاجة. طبعا عملت شكوى فى حماية المستهلك و لكن عشان عدى عليهم ٣ شهور فا مش هيعرفوا يعملولى حاجة .. مفرةض اجيبهم و اغسلهم فى خلال شهر يعنى؟ ما احنا دافعين فلوس كتير بالمنظر ده ليه .. مش عشان ماتريال مفروض اللى هو مفيش اصلا. و ده ميرضيش ربنا وبعتبر غش علنى.. فا انا بحذر اى حد ميرميش فلوسه عالارض فى ماتريال زى كدا و خصوصا ان اللبس عندهم غالى و حقيقى بدون وجه حق.

للأسف دي كانت تاني وأخر تجربة ليا مع الـ Website والـ Online Service لبراند Medley، ورغم إني عميلة ليهم وبشتري دايماً من الفرع، إلا إن تجربة الأونلاين كشفتلي غياب تام لأبسط قواعد خدمة العميلاء والاحترافية. الموضوع بدأ إني طلبت ٢ بوركيني، وحبيت أضيف قطعة تالتة.. ومن هنا بدأت "المتاهة": ١- رد متأخر جداً على إنستجرام بيطلبوا مني أكلم رقم واتساب معين. ٢- رقم الواتساب يرد بعد فترة طويلة يقولي لأ كلمي رقم واتساب تاني خالص! ٣- خدمة عملاء بترد "بالعافية" وبمنتهى البرود، ولما سألت عن الأوردر بتاعي، اتفاجئت بالصدفة إن فيه قطعة أصلاً (Sold out) ومحدش فكر يبلغني ولا يعتذر عن التأخير... ولما عاتبتهم بشكل محترم على أسلوب التوجيه والرد المتأخر، وطلبت إلغاء الأوردر بسبب عدم الاحترافية.. كان الرد الصادم والغير مسؤول هو: (بلوك) ليا، ولأختي، ولأصحابي اللي بيتعاملوا معاهم برضه! للأسف الموقف ده فكرني بموقف تاني حصل معايا في فرعهم في رمضان... البزنس مش مجرد منتج بتبيعوه، البزنس هو "Customer Service" واحترام للعميل اللي بيكبر البراند بتاعكم. الـ Block مش هيحل مشكلة السيستم العشوائي ولا أسلوب التعامل المتدني