Don't shop from Activ jel. ! عشان لو قررت ترجع اي منتج من عندهم (اللي هو شئ طبيعي و من حقك) مش هيرضوا و هيماطلوا و لما يرجعوه مش هيدوكم فلوسكم 😂! طلبت مايوه من الويب سايت بتاعهم و وصلني يوم 27/6 و لما شوفته معجبنيش و قررت إني هرجعه، مع العلم ان من قبل ما اطلب اتأكدت من ساسية الاسترجاع عندهم و اللي مكتوب فيها انه متاح خلال 14 يوم من خلال الفروع. في نفس اليوم بعتت لخدمة العملا إني عايزة ارجعه و كان ردهم ان لأ مش متاح استرجاع و لما رديت بالرفض و ان ده عكس سياستكم و عكس قانون حماية المستهلك فا اتقابل كلامي بالتجاهل. روحت الفرع يوم 6/7 و قالولي هناك ان هما ملهمش علاقة بالأونلاين بس الموظف كتر خيره كان بيحاول يساعدني فا تواصل معاهم و الأول كانت بتبلغه انها قالتلي انه مش متاح استرجاع بس لما انا اصريت وافقوا بس قالي ان الفلوس استنى عليها كام يوم (رغم اني كنت دافعة كاش) ليه؟ عشان دورة تحصيل شركة الشحن و على ما الفلوس تخش حسابهم، قولتله تمام بس انا كده هسيب المايوه؟ قالي متقلقيش على ضمانتي و اداني رقمه الشخصي و قالي هتابع معاكي بنفسي. يوم 9 بدأت اتابع معاه وهو للأمانة كان شخص ذوق و كان

السلام عليكم...هو طبيعى يا جماعة اشترى شوز من ماركة معروفة زى اكتيڤ من فرع كبير و معروف فى الدقى و ماتكملش 3 شهور و تبقى بالمنظر ده و طبعاً الحجة لما روحت اشتكى إن مش معايا فاتورة طب بالعقل كده هحتفظ بفاتورة اكتر من شهر ليه و بعدين بيقول لى حتى لو كانت الفاتورة معاكى كده كده عدى اكتر من شهر من ساعة ما اشتريتها و هى فترة ضمان الشوز قولت له معنى كده إنك كشركة عارف إن منتجك بعد الشهر هيبوظ و مش هينفع لا استرجاعه ولا استبداله ولا حتى استرداد تمنه و حماية المستهلك قالوا نفس الكلام... أنا بس حبيت أنبه حضراتكم عشان فى شركات كتيرة اسمها اكتيڤ أبو علاء و مش تبع بعض و دى تجربتى مع فرع الدقى جنب محطة مترو الدقى و حسبى الله ونعم الوكيل تعديل: الناس اللى فاكرة إنى اشتريت من اكتيڤ عشان مثلاً بحب ألبس ماركات أنا عندى ورم حميد فى الكاحل بتضطر ألبس شوز برقبة و للأسف قليل أو نادر جداً اللى بيبيع الموديل ده فى الصيف حتى المكان اللى بيعمل لى الفرشة الطبية قال لى عليه على أساس إنه ماركة نضيفة و فيها الموديل اللى محتاجاه

👍♥️